ఉమ్మడి జిల్లాలో గంజాయి దందా

పల్లెలు, పట్టణాల్లో మత్తు పదార్థాల వినియోగం పెరుగుతోంది. జడ్చర్ల సెజ్ వంటి పారిశ్రామిక ప్రాంతాల్లో ఇతర రాష్ట్రాల కార్మికులు సొంతూళ్ల నుండి వస్తూ గంజాయిని తీసుకువచ్చి చిన్న ప్యాకెట్లుగా విక్రయిస్తున్నారు. పరిశ్రమల్లో పనిచేస్తూనే కొందరు ఈ దందా సాగిస్తున్నారు. వీరి కారణంగా స్థానిక యువత, విద్యార్థులు మత్తుకు బానిసలవుతుండటం ఆందోళన కలిగిస్తోంది.