బొల్లారంలో రైలు ఢీకొని యువకుడి మృతి

హైదరాబాద్ బొల్లారంలో రైల్వే ట్రాక్‌పై ఇయర్‌ఫోన్స్ పెట్టుకుని నడుస్తున్న యువకుడిని రైలు ఢీకొనడంతో అక్కడికక్కడే మృతి చెందాడు. ఇయర్‌ఫోన్స్ ఉండటంతో వెనుక నుంచి వచ్చిన రైలు హారన్‌ను గమనించలేకపోయినట్లు సమాచారం. ఈ ఘటనపై రైల్వే పోలీసులు కేసు నమోదు చేసి దర్యాప్తు చేస్తున్నారు. రైల్వే ట్రాక్‌ల వద్ద ఇయర్‌ఫోన్స్ వాడొద్దని, ప్రయాణాల్లో వ్యక్తిగత భద్రతకు ప్రాధాన్యత ఇవ్వాలని అధికారులు హెచ్చరించారు.