బీఎండబ్ల్యూలో 8,000 మంది ఉద్యోగుల తొలగింపునకు చొరవ

చైనా మార్కెట్‌లో తగ్గిపోయిన డిమాండ్, అంతర్జాతీయ సవాళ్ల కారణంగా ఖర్చులు తగ్గించుకునేందుకు ప్రముఖ లగ్జరీ కార్ల తయారీ సంస్థ బీఎండబ్ల్యూ సిద్ధమైంది. ప్రపంచవ్యాప్తంగా దాదాపు 8,000 మంది ఉద్యోగులను తొలగించే యోచనలో ఉంది. 2027 నాటికి అడ్మినిస్ట్రేషన్, ఆర్‌అండ్‌డీ విభాగాల్లో ఈ కోతలు ఉండనున్నాయి. అయితే తయారీ రంగానికి చెందిన ఉద్యోగులపై ఎలాంటి ప్రభావం ఉండదని స్పష్టం చేసింది.