ఎల్ఎండీలో భారాస వినూత్న నిరసన

కరీంనగర్‌లోని దిగువ మానేరు జలాశయం (ఎల్‌ఎండీ) అడుగంటడంతో ఎమ్మెల్యే గంగుల కమలాకర్ ఆధ్వర్యంలో భారాస శ్రేణులు ఎండిపోయిన జలాశయంలో ఆటలాడి నిరసన తెలిపారు. కాళేశ్వరం ప్రాజెక్టుకు మరమ్మతులు చేపట్టకపోవడం వల్లే ఈ దుస్థితి వచ్చిందని గంగుల విమర్శించారు. రెండు దశాబ్దాల చరిత్రలో జులై నాటికి ఎల్‌ఎండీ డెడ్‌ స్టోరేజీకి పడిపోవడం ఇదే తొలిసారి అన్నారు. చేతకాకపోతే చెబితే, తామే వెళ్లి పంపుహౌస్ మోటార్లు ఆన్ చేసి నీరందిస్తామని ప్రభుత్వానికి సవాల్ విసిరారు.