భక్తిశ్రద్ధలతో అయ్యప్ప స్వామి పల్లకి సేవ

తాండూరు అయ్యప్ప స్వామి ఆలయంలో బుధవారం పల్లకి సేవను అత్యంత వైభవంగా నిర్వహించారు. పూలతో ప్రత్యేకంగా అలంకరించిన స్వామివారిని పల్లకిలో ఉంచి ఆలయ ప్రాంగణంలో ఊరేగించారు. మేళతాళాలు, భజనల మధ్య భక్తులు ఆధ్యాత్మిక అనుభూతిని పొందారు. ఈ సందర్భంగా అర్చకుడు వరుణ్ స్వామి ప్రత్యేక పూజలు నిర్వహించి, భక్తులకు తీర్థ ప్రసాదాలను పంపిణీ చేశారు.