డోపింగ్ వివాదంలో అథ్లెట్ దీక్ష: కామన్వెల్త్ ఆశలపై నీలిమేఘాలు

భారత మిడిల్ డిస్టెన్స్ రన్నర్, జాతీయ రికార్డు హోల్డర్ కేఎం దీక్ష డోపింగ్ పరీక్షలో పట్టుబడటం క్రీడావర్గాల్లో కలకలం రేపింది. ఆమె శాంపిల్‌లో ప్రపంచ డోపింగ్ నిరోధక సంస్థ (WADA) నిషేధించిన 'స్టానోజోలోల్' అనే ఉత్ప్రేరకం ఉన్నట్లు ప్రాథమికంగా గుర్తించారు. ఈ ఉల్లంఘన రుజువైతే ఆమెపై నాలుగేళ్లపాటు నిషేధం పడే అవకాశం ఉంది. దీంతో రాబోయే కామన్వెల్త్ క్రీడల్లో ఆమె పాల్గొనడంపై సందిగ్ధత నెలకొంది. ఇటీవల జైపూర్ టోర్నీలో స్వర్ణం గెలిచిన దీక్ష, ప్రస్తుతం కోచింగ్ క్యాంప్‌నకు కూడా దూరంగా ఉన్నట్లు సమాచారం.