భారత్‌లో ఆసియా అథ్లెటిక్స్ ఈవెంట్లు

2027 ఆసియా రిలేస్ మరియు 2028 ఆసియా ఇండోర్ ఛాంపియన్‌షిప్‌లను నిర్వహించే హక్కులను భారత్ దక్కించుకుంది. ఆసియా అథ్లెటిక్స్ అసోసియేషన్ సమావేశంలో ఈ మేరకు నిర్ణయం తీసుకున్నారు. 2027లో చండీగఢ్‌లో ఆసియా రిలేస్, 2028లో భువనేశ్వర్‌లో ఇండోర్ ఛాంపియన్‌షిప్‌లు జరగనున్నాయి. అథ్లెటిక్స్ ఫెడరేషన్ ఆఫ్ ఇండియా సమర్పించిన బిడ్‌లకు ఆసియా అథ్లెటిక్స్ అసోసియేషన్ ఆమోదం తెలిపింది. ఈ క్రీడా ఈవెంట్లు దేశంలో క్రీడల అభివృద్ధికి కొత్త ఊపునిస్తాయని క్రీడా వర్గాలు భావిస్తున్నాయి. భారత్ వేదికగా జరగనున్న ఈ అంతర్జాతీయ క్రీడల కోసం క్రీడాకారులు ఇప్పటికే సన్నాహాలు మొదలుపెట్టారు.