అశ్వారావుపేట నుంచి హైదరాబాద్‌కు 23 ప్రత్యేక బస్సులు

అశ్వారావుపేట నుంచి హైదరాబాద్‌కు ప్రయాణికుల సౌకర్యార్థం 23 ప్రత్యేక బస్సులు ఏర్పాటు చేసినట్లు డీఎం లక్ష్మీనారాయణ తెలిపారు. పండుగల నేపథ్యంలో ప్రయాణికుల రద్దీని దృష్టిలో ఉంచుకుని ఈ నిర్ణయం తీసుకున్నట్లు పేర్కొన్నారు. ప్రత్యేక బస్సు సర్వీసులు ఈ నెల 18వ తేదీ వరకు కొనసాగుతాయని వెల్లడించారు. ప్రయాణికులు ఈ సర్వీసులను సద్వినియోగం చేసుకోవాలని సూచించారు.