అంగన్‌వాడీ.. పెచ్చులు ఊడి ప్రమాదకరం!

కుబీర్ మండలంలోని పెంటునాయక్ తండాలో పాత ఎంపీయూపీఎస్ భవనంలో నడుస్తున్న అంగన్‌వాడీ కేంద్రం ప్రమాదకరంగా మారింది. ఇటీవల కురిసిన వర్షాలకు భవనం ముందు భాగం పెచ్చులు ఊడి కిందపడ్డాయి. రాత్రి వేళల్లో జరగడంతో ప్రమాదం తప్పింది. ఎప్పుడు కూలుతుందో తెలియని ఈ పాత స్కూల్ భవనంలో చిన్నారులు భయపడుతున్నారు. అధికారులు స్పందించి కొత్త భవనం కేటాయించాలని స్థానికులు డిమాండ్ చేస్తున్నారు.