అఖిల్ ‘లెనిన్’ మళ్లీ వాయిదా...

అక్కినేని అఖిల్ కథానాయకుడిగా నటిస్తున్న ప్రతిష్టాత్మక గ్రామీణ డ్రామా చిత్రం ‘లెనిన్’ విడుదల మరోసారి వాయిదా పడినట్లు ఫిలింనగర్ వర్గాల్లో జోరుగా ప్రచారం సాగుతోంది. జూన్ 26న విడుదల కావాల్సిన ఈ చిత్రం జూలై మొదటి వారానికి వాయిదా పడే అవకాశాలు ఉన్నట్లు తెలుస్తోంది. గత చిత్రాలు ఆశించిన విజయం సాధించకపోవడంతో ఈ సినిమాపై అభిమానులు భారీ అంచనాలు పెట్టుకున్నారు. అయితే సరైన విడుదల తేదీ కోసమే నిర్మాతలు ఈ ఆలస్యం చేస్తున్నట్లు సమాచారం.