అఖిల్‌తో ‘లెనిన్‌’ మూవీ

అఖిల్ అక్కినేని కథానాయకుడిగా, మురళీకిశోర్ దర్శకత్వంలో నాగార్జున, నాగవంశీ నిర్మించిన ‘లెనిన్‌’ చిత్రం ఈ నెల 10న విడుదల కానుంది. హైదరాబాద్‌లో జరిగిన విలేకర్ల సమావేశంలో నాగార్జున ఈ సినిమా విశేషాలను పంచుకున్నారు. తన తండ్రి కోసం ‘మనం’ సినిమా చేశానని, ఇప్పుడు కొడుకు అఖిల్ కోసం ‘లెనిన్‌’ చిత్రంలో అంతే లీనమయ్యానని నాగార్జున తెలిపారు. చిత్తూరు జిల్లా శ్రీరామపురం నేపథ్యంలో సాగే ఈ భావోద్వేగాల చిత్రం అఖిల్‌కు గొప్ప విజయాన్ని అందిస్తుందని ఆయన ఆశాభావం వ్యక్తం చేశారు.