ప్రకటనల వివాదం: అమెజాన్ ప్రైమ్ వీడియోపై కేసు

ప్రైమ్ వీడియోలో ప్రకటనలు ప్రవేశపెట్టి, వాటిని తొలగించడానికి అదనపు రుసుము వసూలు చేస్తున్నందుకు ఆస్ట్రేలియాలో అమెజాన్‌పై దావా నమోదైంది. వినియోగదారులకు తెలియకుండా నిబంధనలు మార్చారని అక్కడి కమిషన్ ఆరోపిస్తోంది. ఈ ఏకపక్ష నిర్ణయం వల్ల గత రెండేళ్లలో దాదాపు 10 లక్షల మంది సబ్‌స్క్రైబర్లు ప్రభావితమయ్యారని పేర్కొంది. సంస్థపై చట్టపరమైన చర్యలు తీసుకోవాలని ఆస్ట్రేలియా కాంపిటీషన్ అండ్ కన్జ్యూమర్ కమిషన్ ఫెడరల్ కోర్టును కోరింది.