అధ్వానంగా ఖానాపూర్ అంతర్గత వీధుల రోడ్డు

ఖానాపూర్ పట్టణంలోని అంతర్గత వీధులలో నడపడమే నరకమన్నట్లు పరిస్థితులు దాపురించాయని స్థానికులు వాపోతున్నారు. మొగల్ పుర , బర్కత్ పుర , శివాజీ చౌక్ , ఖసాబ్ గల్లీలలో నా అంతర్గత రోడ్లన్నీ కురుస్తున్న వర్షాలకు బురదమయమై వాహనదారులు, పాదాచారులు పడరాని పాట్లు పడవలసి వస్తున్నదని పేర్కొన్నారు. వర్షాలు కురిసినప్పుడు ప్రజలకు ఇబ్బందులు కలగకుండా పురపాలక సంఘం ఆధ్వర్యంలో ప్రత్యామ్నాయ ఏర్పాట్లు చేయాలని వారు కోరారు.