ముంబై పై సన్‌రైజర్స్ సంచలన విజయం

వాంఖడే స్టేడియంలో జరిగిన హై-స్కోరింగ్ ఐపీఎల్ 2026 మ్యాచ్‌లో ముంబై ఇండియన్స్‌పై సన్‌రైజర్స్ హైదరాబాద్ 6 వికెట్ల తేడాతో ఘనవిజయం సాధించింది. ముంబై బ్యాటర్ రియాన్ రికెల్టన్ (123*) వీరోచిత శతకంతో నిర్దేశించిన 244 పరుగుల భారీ లక్ష్యాన్ని ఎస్‌ఆర్‌హెచ్ మరో 9 బంతులు మిగిలి ఉండగానే ఛేదించింది. హెన్రిచ్ క్లాసెన్ (65) అద్భుత ఇన్నింగ్స్, సలీల్ అరోరా మెరుపు ఇన్నింగ్స్‌తో హైదరాబాద్ వరుసగా ఐదో విజయాన్ని తన ఖాతాలో వేసుకుంది. ఈ ఓటమితో రికెల్టన్ తొలి సెంచరీ శ్రమ వృథా అయింది.