వర్షపునీటిలో మునిగిన పాఠశాలల ద్వారాలు

జీవీఎంసీ 75వ వార్డు పరిధిలోని హిందుస్థాన్ షిప్‌యార్డ్ ప్రాంగణంలో ఉన్న రెండు ప్రభుత్వ పాఠశాలల ప్రధాన ద్వారాల వద్ద వర్షపు నీరు నిలిచిపోయింది. దీంతో పాఠశాలలకు వెళ్లే విద్యార్థులు తీవ్ర ఇబ్బందులు ఎదుర్కొంటున్నారు. ఒక పాఠశాల వద్ద విద్యార్థులు నీటి ప్రవాహం మధ్య నుంచి వెళ్లాల్సి వస్తోంది. వర్షాలు తగ్గిన తర్వాతైనా నీరు సులభంగా వెళ్లేలా మార్గాలను అభివృద్ధి చేయాలని స్థానికులు కోరుతున్నారు.