క్యూలైన్ల రద్దీకి టీటీడీ ‘రీ ఎంట్రీ’ పరిష్కారం

తిరుమలలో వేసవి సెలవుల కారణంగా శ్రీవారి భక్తుల రద్దీ అనూహ్యంగా పెరిగింది. దర్శనం కోసం భక్తులు క్యూలైన్లలో 24 నుండి 32 గంటల పాటు వేచి ఉండాల్సి వస్తోంది. ఈ నేపథ్యంలో, ఎండల తీవ్రతను దృష్టిలో ఉంచుకుని భక్తుల సౌకర్యార్థం టీటీడీ అధికారులు కీలక నిర్ణయం తీసుకున్నారు. క్యూలైన్లలో గంటల తరబడి నిలబడే ఇబ్బంది లేకుండా భక్తులకు ‘రీ ఎంట్రీ’ అవకాశాన్ని కల్పిస్తున్నట్లు టీటీడీ ప్రకటించింది. ఈ విధానం ద్వారా భక్తులు క్యూలైన్ల నుంచి బయటకు వచ్చి, తిరిగి నిర్దేశిత సమయానికి ప్రవేశించే వీలుంటుంది.