కోహెడలో విద్యార్థి ఆత్మహత్య: యాజమాన్యం తీరుపై అనుమానాలు

రంగారెడ్డి జిల్లా కోహెడలోని శ్రీ చైతన్య కళాశాలలో ఇంటర్ విద్యార్థి ఉరేసుకొని ఆత్మహత్యకు పాల్పడ్డాడు. చదువులో చురుగ్గా ఉండే విద్యార్థి మరణంపై తల్లిదండ్రులు అనుమానాలు వ్యక్తం చేస్తున్నారు. గురువారం జరిగిన ఈ ఘటన స్థానికంగా కలకలం రేపింది. ఘటన జరిగిన మూడు గంటల తర్వాత సమాచారం ఇవ్వడం, తల్లిదండ్రులు వచ్చేలోపే మృతదేహాన్ని తరలించడం వంటి చర్యలతో కళాశాల యాజమాన్యం నిర్లక్ష్యంపై విమర్శలు వెల్లువెత్తుతున్నాయి. దీనిపై సమగ్ర విచారణ జరగాలని కుటుంబ సభ్యులు కోరుతున్నారు.