సిరిసిల్లలో తెలంగాణ ఉద్యమకారుల జేఏసీ కార్యాలయం ప్రారంభం

సిరిసిల్ల జిల్లా కేంద్రంలోని శివనగర్‌లో తెలంగాణ ఉద్యమకారుల జేఏసీ జిల్లా కార్యాలయాన్ని జేఏసీ ఛైర్మన్ గజ్జల దేవరాజు ప్రారంభించారు. ఈ సందర్భంగా ఉద్యమకారులకు కాంగ్రెస్ ప్రభుత్వం ఇచ్చిన హామీలను అమలు చేయాలని కోరారు. ఉద్యమకారులకు 250 గజాల ఇంటి స్థలం, ఉచిత బస్సు ప్రయాణం, రూ.25 వేల పెన్షన్, ప్రైవేట్ ఆసుపత్రుల్లో ఉచిత వైద్యం కల్పించాలని దేవరాజు తెలిపారు. కార్యక్రమంలో ఉద్యమకారులు పాల్గొన్నారు.