సిద్దిపేట బస్‌స్టాండ్‌ వద్ద ఫ్లెక్సీలతో ప్రమాదం

సిద్దిపేట మోడర్న్ బస్‌స్టాండ్‌ వద్ద డివైడర్లపై ఫ్లెక్సీలు ఏర్పాటు చేస్తున్నారు. గతంలో ఫ్లెక్సీలు కూలి ప్రయాణికులు, వాహనదారులు గాయపడిన ఘటనలు చోటుచేసుకున్నాయి. అధికారులు పలుమార్లు హెచ్చరించి ఫ్లెక్సీలు తొలగించినా, రెండు రోజుల్లోనే మళ్లీ ఏర్పాటు చేస్తున్నారని స్థానికులు చెబుతున్నారు. దీనిపై కఠిన చర్యలు తీసుకోవాలని ప్రజలు కోరుతున్నారు.