శంషాబాద్‌కు విశాఖ విమానాలు

విశాఖపట్నంలో ప్రతికూల వాతావరణం, భారీ వర్షాల కారణంగా మూడు ఇండిగో విమానాలను అధికారులు శంషాబాద్‌ విమానాశ్రయానికి మళ్లించారు. తక్కువ దృశ్యమానత (లో విజిబిలిటీ) వల్ల విమానాల ల్యాండింగ్‌కు అంతరాయం ఏర్పడింది. ప్రయాణికుల భద్రతను దృష్టిలో ఉంచుకుని ఈ నిర్ణయం తీసుకున్నట్లు విమానయాన అధికారులు వెల్లడించారు. వాతావరణ పరిస్థితులు మెరుగుపడిన తర్వాత విమానాల రాకపోకలను తిరిగి సాధారణ స్థితికి తీసుకువచ్చేలా చర్యలు చేపడుతున్నట్లు తెలిపారు.