రెండేళ్లలో గ్రేటర్ పరిధిలో వంద శాతం ఎలక్ట్రిక్ బస్సులు

గ్రేటర్ హైదరాబాద్ పరిధిలో పర్యావరణహిత ఎలక్ట్రిక్ బస్సుల సంఖ్యను పెంచేందుకు ఆర్టీసీ చర్యలు చేపడుతోంది. ప్రస్తుతం 24 డిపోల్లో 3200 బస్సులు నడుస్తుండగా వాటిలో 550 వరకు ఎలక్ట్రిక్ బస్సులు ఉన్నాయి. రాబోయే రెండేళ్లలో గ్రేటర్ పరిధిలో వంద శాతం ఇ-బస్సులను నడిపేలా ప్రభుత్వం ప్రణాళిక రూపొందించింది. అన్ని డిపోల్లో దశలవారీగా ఎలక్ట్రిక్ బస్సులను ప్రవేశపెట్టేందుకు అధికారులు ఏర్పాట్లు చేస్తున్నారు.