యూకే-భారత్ సంబంధాలకు పీయూష్ గోయల్‌కు ప్రత్యేక పురస్కారం

కేంద్ర మంత్రి పీయూష్ గోయల్‌కు లండన్‌లో జరిగిన వార్షిక యూకే-ఇండియా అవార్డుల వేడుకలో ప్రత్యేక పురస్కారం లభించింది. ఇరుదేశాల మధ్య సంబంధాలను బలోపేతం చేయడంలో ఆయన అందించిన కృషికి ఈ గుర్తింపు దక్కింది. జూలై 15 నుంచి అమలులోకి రానున్న భారత్-యూకే వాణిజ్య ఒప్పందం అతివేగంగా అమలైన ఒప్పందంగా చరిత్ర సృష్టిస్తుందని గోయల్ తెలిపారు. ఈ పురస్కారం ఇరు దేశాల ప్రజల భాగస్వామ్యానికి దక్కిన గౌరవమని ఆయన పేర్కొన్నారు.