సైబర్ మోసాలపై పంజాబ్ పోలీసుల ఉక్కుపాదం

సైబర్ మోసాలకు పాల్పడుతున్న 63,749 బ్యాంకు ఖాతాలను పంజాబ్ పోలీసులు ఏడాది కాలంలో స్తంభింపజేశారు. ఈ ఖాతాల ద్వారా సుమారు రూ. 540 కోట్ల మేర అక్రమ లావాదేవీలు జరిగినట్లు గుర్తించి, దర్యాప్తును వేగవంతం చేశారు. సుమారు రూ. 64 కోట్ల సొమ్మును బాధితులకు తిరిగి ఇప్పించామని డీజీపీ గౌరవ్ యాదవ్ వెల్లడించారు. దోబా ప్రాంతంలోనే అత్యధిక మోసాలు జరుగుతున్నాయని, దీనిపై ప్రత్యేక నిఘా పెట్టినట్లు ఆయన తెలిపారు.