పిల్లల నిద్ర విషయంలో తల్లిదండ్రులు పాటించాల్సిన జాగ్రత్తలు

పిల్లలకు తగినంత నిద్ర లేకపోతే చదువుపై ఏకాగ్రత తగ్గడంతోపాటు చిరాకు, ప్రవర్తనలో మార్పులు రావచ్చని వైద్య నిపుణులు చెబుతున్నారు. శారీరక, మానసిక ఎదుగుదలకు సరైన నిద్ర అవసరమని సూచిస్తున్నారు. ప్రతిరోజూ ఒకే సమయానికి నిద్రపోవడం, పడుకునే గంట ముందు ఫోన్లకు దూరంగా ఉండటం, ప్రశాంత వాతావరణం కల్పించడం ముఖ్యమన్నారు. తరచూ గురక, నిద్రలో శ్వాస సమస్యలు కనిపిస్తే వైద్యుడిని సంప్రదించాలని సూచించారు.