పారాగ్లైడింగ్‌లో పర్యాటకుడి మృతి

హిమాచల్‌ప్రదేశ్‌లోని ధర్మశాల సమీపంలో పారాగ్లైడింగ్ ప్రమాదంలో బల్గేరియా పర్యాటకుడు మాక్సిమ్ వాలెంటినోవిచ్ గావ్రిలిచెంకో మృతి చెందారు. మరో బల్గేరియా పౌరుడు స్టీఫెన్ ఆంటోనీ గాయపడ్డారు. ఆదివారం ఉదయం బిర్ బిల్లింగ్ నుంచి పారాగ్లైడింగ్ చేస్తుండగా 2,700 మీటర్ల ఎత్తులో ప్రమాదం జరిగింది. ఈదురుగాలులే కారణమని ప్రాథమిక సమాచారం. నేలను బలంగా ఢీకొనడంతో మాక్సిమ్ అక్కడికక్కడే మరణించారు.