VBSA బిల్లుపై ఎన్డీయే రాష్ట్రాల తిరుగుబాటు

కేంద్ర ప్రభుత్వం ప్రతిపాదించిన 'వికసిత్ భారత్ శిక్షా అధిష్ఠాన్ బిల్లు, 2025' లోని కొన్ని నిబంధనలపై ఎన్డీయే పాలిత రాష్ట్రాలే తీవ్ర అభ్యంతరాలు వ్యక్తం చేశాయి. ఈ నూతన చట్టం అమలులోకి వస్తే ఉన్నత విద్యా నియంత్రణ అధికారాలన్నీ కేంద్రం చేతుల్లోకి వెళ్తాయని ఆంధ్రప్రదేశ్, మధ్యప్రదేశ్, మేఘాలయ వంటి రాష్ట్రాలు పార్లమెంటరీ కమిటీకి స్పష్టం చేశాయి. ఈ బిల్లు వల్ల విద్యా రంగంలో రాష్ట్రాల స్వయంప్రతిపత్తి దెబ్బతింటుందని ఆయా రాష్ట్ర ప్రభుత్వాలు ఆందోళన వ్యక్తం చేశాయి.