సెషెల్స్ స్వాతంత్ర్య దినోత్సవ వేడుకల్లో ప్రధాని మోదీ

సెషెల్స్ 50వ స్వాతంత్ర్య స్వర్ణోత్సవ వేడుకల్లో పాల్గొనడం గొప్ప గౌరవంగా భావిస్తున్నట్లు ప్రధాని నరేంద్ర మోదీ పేర్కొన్నారు. ఈ చారిత్రాత్మక పర్యటనలో ఆయన ముఖ్య అతిథిగా హాజరయ్యారు. గత 50 ఏళ్లలో సెషెల్స్ ప్రజలు సాధించిన అద్భుతమైన విజయాలకు ఈ సందర్భం నిదర్శనమన్నారు. సెషెల్స్ అభివృద్ధి పథంలో నమ్మకమైన భాగస్వామిగా, స్నేహితుడిగా నిలవడం గర్వకారణమని మోదీ తెలిపారు. పరస్పర రక్షణ, పంచుకున్న విలువలు, ప్రజల మధ్య ఉన్న సన్నిహిత సంబంధాల వల్ల ఇరు దేశాల ద్వైపాక్షిక బంధం మరింత బలోపేతం అవుతుందని, కాలక్రమేణా ఈ స్నేహం మరింత వృద్ధి చెందుతుందని ప్రధాని ఆశాభావం వ్యక్తం చేశారు.