బాసర ట్రిపుల్ ఐటీలో మొబైల్ ఫోన్లపై ఆంక్షలు

బాసర ట్రిపుల్ ఐటీలో మెస్, ల్యాబ్ మరియు క్లాస్‌రూమ్‌లలో మొబైల్ వాడకాన్ని అధికారులు నిషేధించారు. విద్యార్థుల చదువులపై దృష్టి సారిస్తూ, వారి ఏకాగ్రత దెబ్బతినకుండా ఈ నిర్ణయం తీసుకున్నట్లు వెల్లడించారు. అయితే, విద్యార్థులు తరగతులు ముగిసిన అనంతరం తమ హాస్టల్ గదుల్లో మొబైల్ ఫోన్లను ఉపయోగించుకోవచ్చని స్పష్టం చేశారు. ఈ విషయంలో కొందరు తప్పుడు ప్రచారం చేస్తూ సంస్థ ప్రతిష్ఠను దెబ్బతీస్తున్నారని అధికారులు ఆవేదన వ్యక్తం చేశారు.