మహిళల సంక్షేమానికి పెద్దపీట

కామారెడ్డి జిల్లా మహిళల సంక్షేమానికి ప్రభుత్వం పెద్దపీట వేస్తోందని కామారెడ్డి జిల్లా గ్రంథాలయ సంస్థ ఛైర్మన్ చంద్రకాంత్ రెడ్డి అన్నారు. సోమవారం మండలంలోని బస్వాపూర్ గ్రామంలో రూ.10 లక్షల వ్యయంతో నిర్మించనున్న మహిళా సంఘ భవనానికి భూమిపూజ చేశారు. ఈ సందర్భంగా ఆయన మాట్లాడుతూ ప్రతి మహిళా మహిళా సంఘంలో సభ్యురాలిగా ఉండాలని సూచించారు. కార్య క్రమంలో గ్రామ సర్పంచ్ పద్మ, నాయకులు పాల్గొన్నారు.