అప్పుల చర్చపై సవాల్: భాగ్యనగరంలో తీవ్ర ఉత్కంఠ

రాష్ట్ర అప్పులపై చర్చకు సిద్ధమంటూ మంత్రి జూపల్లి కృష్ణారావు విసిరిన సవాల్‌తో హైదరాబాద్‌లో రాజకీయం ఒక్కసారిగా వేడెక్కింది. ఈ సవాల్‌కు స్పందిస్తూ కేటీఆర్, హరీశ్‌రావు తెలంగాణ భవన్‌లో మాట్లాడేందుకు సిద్ధమయ్యారు. నేతల రాకతో తెలంగాణ భవన్, గన్‌పార్క్ వద్ద కాంగ్రెస్, బీఆర్ఎస్ శ్రేణులు భారీగా మోహరించాయి. ఇరుపక్షాల సవాళ్లు, ప్రతిసవాళ్ల నేపథ్యంలో ఎలాంటి ఘర్షణలు జరగకుండా పోలీసులు భారీగా బందోబస్తు నిర్వహించారు.