కోనసీమలో మత్స్యకారుల బోటు బోల్తా

డాక్టర్‌ బీఆర్‌ అంబేద్కర్‌ కోనసీమ జిల్లా భైరవపాలెం మొగ సమీపంలో మత్స్యకారుల బోటు సముద్రంలో మునిగింది. ఈ ఘటనలో తొమ్మిది మంది మత్స్యకారులను మరో బోటు సిబ్బంది రక్షించి ఒడ్డుకు చేర్చారు. ఈదురు గాలులు, అలల ఉధృతితో బోటు అదుపుతప్పి మునిగిపోయింది. ప్రాణనష్టం తప్పినప్పటికీ బోటు, వలలు, వేట సామగ్రి కోల్పోవడంతో భారీ ఆస్తి నష్టం వాటిల్లింది.