కొచ్చి విమానాశ్రయంలో రోబో సేవలు

కొచ్చి అంతర్జాతీయ విమానాశ్రయంలో ప్రయాణికుల కోసం రోబో సేవలను సీఐఏఎల్‌ అందుబాటులోకి తెచ్చింది. తొలి దశలో డొమెస్టిక్‌ సెక్యూరిటీ హోల్డ్‌ ఏరియాలోని కళాంగన్‌ ఆర్ట్‌ మ్యూజియంలో రోబోను ఏర్పాటు చేసింది. విమాన సమాచారం, బోర్డింగ్‌ గేట్ల వివరాలను రోబో అందిస్తుంది. కళాఖండాల గురించిన సమాచారాన్ని కూడా చెబుతుంది. తదుపరి దశలో చెక్‌-ఇన్‌ హాళ్లలో రోబోలను వినియోగించాలని సీఐఏఎల్‌ యోచిస్తోంది.