గంగా-కావేరి అనుసంధానంతో భారత్ 'అన్‌స్టాపబుల్

దేశంలో గంగా-కావేరి నదుల అనుసంధానం పూర్తయితే అభివృద్ధిలో భారత్‌ను ఎవరూ ఆపలేరని ఆంధ్రప్రదేశ్ ముఖ్యమంత్రి నారా చంద్రబాబు నాయుడు స్పష్టం చేశారు. ప్రధాని మోదీ నాయకత్వంలో దేశం శరవేగంగా అభివృద్ధి పథంలో దూసుకుపోతోందని ఆయన కొనియాడారు. ఇప్పటికే కేన్-బేత్వా ప్రాజెక్టు ద్వారా యూపీ, మధ్యప్రదేశ్‌లో నదుల అనుసంధానం జరిగిందని, గోదావరి-కావేరి నదులను కూడా అనుసంధానిస్తే ఏపీ, తెలంగాణ, కర్ణాటక, తమిళనాడు రాష్ట్రాలకు అపారమైన ప్రయోజనాలు కలుగుతాయని సీఎం పేర్కొన్నారు. 1983లో ఉమ్మడి ఏపీ, కర్ణాటక, మహారాష్ట్రల అంగీకారంతో చెన్నైకి 15 టీఎంసీల తాగునీటిని అందించిన విషయాన్ని ఈ సందర్భంగా చంద్రబాబు గుర్తుచేశారు.