ఎండిన పంటలకు ఎకరానికి రూ.25 వేల పరిహారం కోరిన శ్రీనివాస్ గౌడ్

మహబూబ్‌నగర్ జిల్లా హన్వాడ మండలం వేపూర్‌లో విద్యుత్ కొరతతో ఎండిన పంటలను మాజీ మంత్రి వి. శ్రీనివాస్ గౌడ్ పాదయాత్రలో పరిశీలించారు. రైతులకు ఎకరానికి రూ.25 వేల పరిహారం చెల్లించాలని డిమాండ్ చేశారు. మిగిలిన పంటలను కాపాడేందుకు రోజుకు 12 గంటల నిరంతర విద్యుత్ ఇవ్వాలని, ఉమ్మడి మహబూబ్‌నగర్ జిల్లాలోని అన్ని మండలాలను కరువు మండలాలుగా ప్రకటించాలని కోరారు. రైతులు, వ్యవసాయ కూలీలకు తక్షణ సాయం అందించాలని అన్నారు.