ఆటగాళ్ల దాడిలో కోచ్‌ మృతి

శ్రీలంకలో యువ క్రికెటర్ల దాడిలో తీవ్రంగా గాయపడిన 62 ఏళ్ల కోచ్‌ సుమిత్‌ ఫెర్నాండో చికిత్స పొందుతూ గురువారం రాత్రి మృతి చెందారు. ఆగస్టు 8న కొలంబోలో తాగునీటి విషయంలో తలెత్తిన ఘర్షణలో ఆయనపై దాడి జరిగింది. ఈ కేసులో 17 ఏళ్ల ఆటగాడిని పోలీసులు అరెస్టు చేశారు. సుమిత్‌ గతంలో శ్రీలంక మాజీ కెప్టెన్‌ కుశాల్‌ మెండిస్‌కు పాఠశాల స్థాయిలో కోచ్‌గా వ్యవహరించారు.