భోపాల్ మెట్రోకు ఆదాయ కష్టాలు

భోపాల్ మెట్రోకు నెలవారీ టికెట్ల ఆదాయం రోజువారీ నిర్వహణ ఖర్చుకూ సరిపోవడం లేదు. రోజుకు రూ.5 లక్షల వ్యయం అవుతుండగా, నెలకు రూ.4 లక్షల నుంచి రూ.5 లక్షల ఆదాయమే వస్తోంది. నెలవారీ ప్రయాణికుల సంఖ్య 13 వేల నుంచి 15 వేల మధ్య ఉంది. నెల నిర్వహణ వ్యయం రూ.1.5 కోట్లకు చేరుతోంది. ఆదాయం పెంచుకునేందుకు మెట్రోలో వేడుకలు, ఫొటోషూట్లకు అనుమతిస్తున్నారు. ఇతర వాణిజ్య ఆదాయంపై పూర్తి వివరాలు వెల్లడికాలేదు.