భైంసాలో మాజీ ఎమ్మెల్యేకు ప్రజా వినతులు

భైంసాలోని మాజీ ఎమ్మెల్యే విఠల్ రెడ్డి నివాసంలో గురువారం పలు గ్రామాల ప్రజలు ఆయనను కలిశారు. ప్రాథమిక ఆరోగ్య కేంద్రాలు, ఇందిరమ్మ ఇళ్లు, గ్రామీణ సమస్యలు, దేవాలయాల అభివృద్ధిపై వినతులు అందజేశారు. సమస్యలపై స్పందించిన విఠల్ రెడ్డి, వాటిని సంబంధిత మంత్రులు, ఉన్నతాధికారుల దృష్టికి తీసుకెళ్లి పరిష్కారానికి కృషి చేస్తానని హామీ ఇచ్చారు.