ఊర చెరువుకు నీరు విడుదల చేయాలని వినతి

అయిజ మండలం వెంకటాపురం సమీపంలోని ఊర చెరువుకు రిజర్వాయర్ నుంచి నీటిని విడుదల చేయాలని గ్రామస్తులు కోరారు. గురువారం గద్వాల అడిషనల్ కలెక్టర్ నర్సింగరావును కలిసి వినతిపత్రం అందజేశారు. వర్షాభావంతో చెరువు ఎండిపోయి పశువులకు తాగునీటి ఇబ్బందులు ఎదురవుతున్నాయని తెలిపారు. చెరువును నీటితో నింపితే పశువులకు తాగునీరు అందడంతో పాటు భూగర్భ జలాలు పెరుగుతాయని వివరించారు.