పీఎం ఫ్యామిలీ కేర్ ట్రాకర్ పైలట్ ప్రాజెక్ట్‌ను ప్రారంభించిన అమిత్ షా

కేంద్ర హోం మంత్రి అమిత్ షా గాంధీనగర్‌లో 'పీఎం ఫ్యామిలీ కేర్ ట్రాకర్'ను ప్రారంభించారు. గర్భధారణ నుండి 18 ఏళ్ల వరకు పిల్లల ఆరోగ్యం, పోషకాహారం, విద్యను ఈ డిజిటల్ ప్లాట్‌ఫామ్ పర్యవేక్షిస్తుంది. దీని ద్వారా ప్రభుత్వ పథకాల ప్రయోజనాలను లబ్ధిదారులకు నేరుగా చేరవేస్తారు. ఈ కార్యక్రమంలో భాగంగా పిల్లలకు 'హెల్త్ పాస్‌పోర్టుల'ను విడుదల చేయడంతో పాటు, పీఎం ఈ-బస్ సర్వీసులను అమిత్ షా జెండా ఊపి ప్రారంభించారు.