సమాజ చైతన్యంలో జర్నలిస్టుల పాత్ర కీలకం: మంత్రి వివేక్

హైదరాబాద్‌లో నేషనల్ యూనియన్ ఆఫ్ జర్నలిస్ట్ ఎగ్జిక్యూటివ్ సమ్మిట్‌ను మంత్రి వివేక్ వెంకటస్వామి ప్రారంభించారు. ప్రజాస్వామ్య వ్యవస్థలో మీడియా నాల్గవ స్తంభమని, సమాజాన్ని చైతన్య పరచడంలో జర్నలిస్టుల పాత్ర అమోఘమని ఆయన కొనియాడారు. జర్నలిస్టుల సంక్షేమానికి తమ ప్రభుత్వం కట్టుబడి ఉందని, త్వరలోనే అర్హులైన వారికి అక్రిడేషన్ కార్డులతో పాటు మరిన్ని సదుపాయాలు కల్పిస్తామని మంత్రి హామీ ఇచ్చారు. విధి నిర్వహణలో వారికి ప్రభుత్వం ఎల్లప్పుడూ అండగా ఉంటుందని ఆయన స్పష్టం చేశారు.