కొడంగల్‌లో 'పేదల తిరుపతి'.. రూ.110 కోట్లతో శ్రీవారి ఆలయ పునర్నిర్మాణం!

ముఖ్యమంత్రి రేవంత్ రెడ్డి తన సొంత నియోజకవర్గం కొడంగల్‌లో 'పేదల తిరుపతి'గా ప్రసిద్ధి చెందిన శ్రీ లక్ష్మీ వెంకటేశ్వర స్వామి ఆలయ పునర్నిర్మాణ పనులకు భూమిపూజ చేశారు. సుమారు రూ. 110 కోట్ల భారీ వ్యయంతో ఈ ఆలయాన్ని అద్భుతంగా తీర్చిదిద్దనున్నారు. ఈ సందర్భంగా కొడంగల్‌ను దేశానికే మోడల్‌గా మారుస్తానని సీఎం ధీమా వ్యక్తం చేశారు. ఆగమ శాస్త్ర నిబంధనల ప్రకారం ఆలయ విస్తరణ పనులు జరగనున్నాయి. భక్తులకు అన్ని రకాల సౌకర్యాలు కల్పిస్తూ, ఈ ప్రాంతాన్ని ఆధ్యాత్మికంగా అభివృద్ధి చేయడమే లక్ష్యమని ఆయన పేర్కొన్నారు. దీనితో పాటు పలు అభివృద్ధి ప్రాజెక్టులకు కూడా ముఖ్యమంత్రి శంకుస్థాపన చేశారు.