వరంగల్ సబ్‌ రిజిస్ట్రార్ కార్యాలయంలో ఏసీబీ మెరుపు దాడులు: రికార్డుల పరిశీలన

వరంగల్ సబ్‌ రిజిస్ట్రార్‌ కార్యాలయంలో ఏసీబీ సోదాలు నిర్వహించి, లెక్కల్లో చూపని నగదుతో పాటు కీలక పత్రాలను స్వాధీనం చేసుకుంది. డాక్యుమెంట్ రైటర్ల ఫోన్లలో భారీగా నగదు లావాదేవీలను గుర్తించిన అధికారులు, పలువురు అనధికార ఏజెంట్ల పాత్రపై లోతైన విచారణ జరుపుతున్నారు. ఈ క్రమంలో ఇద్దరు ఎస్‌ఆర్‌వోల మధ్య జరిగిన వాట్సప్ చాటింగ్ ఆధారంగా వారి నివాసాల్లో తనిఖీలు చేపట్టారు. ఈ సోదాల్లో సుమారు రూ.24.61 లక్షల నగదు, భారీగా బంగారం మరియు వెండి ఆభరణాలను ఏసీబీ అధికారులు స్వాధీనం చేసుకోవడం సంచలనం సృష్టించింది.