తెలంగాణ ఇంటర్ ఫలితాలు విడుదల: సెకండియర్‌లో 75.61 శాతం ఉత్తీర్ణత; మే 13 నుండి సప్లిమెంటరీ పరీక్షలు.

తెలంగాణ ఇంటర్మీడియట్ ఫలితాల్లో ఈసారి రికార్డు స్థాయి ఉత్తీర్ణత నమోదైంది. ద్వితీయ సంవత్సరం జనరల్ విభాగంలో గత ఏడాది కంటే 4.18 శాతం పెరుగుదలతో ఏకంగా 75.61 శాతం మంది విద్యార్థులు పాసయ్యారు. ప్రథమ సంవత్సరంలో 66.94 శాతం మంది ఉత్తీర్ణత సాధించారు. రెండు సంవత్సరాల్లోనూ మేడ్చల్ జిల్లా అగ్రస్థానంలో నిలవగా, బాలికలే పైచేయి సాధించారు. ఫెయిలైన విద్యార్థుల కోసం మే 13 నుంచి అడ్వాన్స్‌డ్ సప్లిమెంటరీ పరీక్షలు నిర్వహించనున్నారు. ఉన్నత విద్య కోసం దోస్త్ (DOST) నోటిఫికేషన్ కూడా విడుదల కానుంది.