పెట్టుబడి ఒప్పందాల అమలుపై సీఎం సమీక్ష: మెట్రో పనులకు వేగం.

పెట్టుబడి ఒప్పందాలను వేగంగా అమలు చేయాలని సీఎం రేవంత్‌రెడ్డి అధికారులను ఆదేశించారు. సంస్థలను మూడు కేటగిరీలుగా విభజించి, ప్రాధాన్యతనిస్తూ పనులను పర్యవేక్షించేందుకు ప్రత్యేక డ్యాష్‌బోర్డును ఏర్పాటు చేయాలన్నారు. టైర్-2, 3 నగరాల్లోని ఐటీ కార్యకలాపాలపై ప్రత్యేక దృష్టి సారించాలని ఆయన సూచించారు. అలాగే, హైదరాబాద్ మెట్రో రైలు పనులపై కూడా సీఎం సమీక్షించారు. ఓల్డ్ సిటీలో భూసేకరణ వేగవంతం చేసి, రెండేళ్లలో చాంద్రాయణగుట్ట వరకు పనులు పూర్తి చేయాలని ఆదేశించారు. మెట్రో రెండో దశ, హైస్పీడ్ కారిడార్ విస్తరణ అంశాలపైనా ఆయన చర్చించారు.