పంట కొనుగోళ్ల జాప్యంతో ఆవేదన.. గుండెపోటుతో రైతు మృతి!

ధాన్యం విక్రయంలో జాప్యం జరుగుతోందన్న ఆందోళనతో కరీంనగర్ జిల్లాలో రైతు ఐలయ్య గుండెపోటుతో మరణించారు. కొనుగోలు కేంద్రంలో ఆరబోసిన వడ్లు వర్షానికి తడుస్తాయనే భయంతో కుప్పపోస్తుండగా ఆయన అక్కడికక్కడే ప్రాణాలు విడిచారు. ప్రభుత్వం వెంటనే స్పందించి ధాన్యం సేకరణ ప్రక్రియను వేగవంతం చేయాలని స్థానికులు కోరుతున్నారు. మరణించిన రైతు కుటుంబాన్ని ఆదుకోవాలని, ఇలాంటి విషాద ఘటనలు మళ్లీ పునరావృతం కాకుండా చూడాలని గ్రామస్తులు డిమాండ్ చేస్తున్నారు.