ఆర్టీసీ సమ్మె: ప్రయాణికుల కోసం మెట్రో రైళ్ల ఫ్రీక్వెన్సీ పెంపు.

టీజీఎస్ ఆర్టీసీ కార్మికుల సమ్మె నేపథ్యంలో ప్రయాణికుల రద్దీని దృష్టిలో ఉంచుకుని హైదరాబాద్ మెట్రో రైల్ అధికారులు కీలక నిర్ణయం తీసుకున్నారు. మియాపూర్-ఎల్బీ నగర్, నాగోల్-రాయదుర్గ్ కారిడార్లలో మెట్రో రైళ్ల ఫ్రీక్వెన్సీని భారీగా పెంచుతున్నట్లు తాజాగా ప్రకటించారు. రద్దీ సమయాల్లో ప్రయాణికులకు మెరుగైన సేవలను అందించడమే ప్రధాన లక్ష్యంగా ఈ నిర్ణయం తీసుకున్నారు. అవసరమైతే రాత్రి 11 గంటల తర్వాత కూడా సర్వీసులను పొడిగించే అంశాన్ని మెట్రో ఎండీ పరిశీలిస్తున్నారు. ప్రయాణికుల సౌకర్యార్థం ఈ ప్రత్యేక రవాణా ఏర్పాట్లను అధికారులు యుద్ధప్రాతిపదికన అమలు చేస్తున్నారు.