తాగునీటి దుర్వినియోగం: షాపుకు జరిమానా

బంజారాహిల్స్‌లో తాగునీటితో దుకాణం పరిసరాలను శుభ్రం చేస్తున్న ఓ వ్యక్తికి జలమండలి రూ. 10 వేల జరిమానా విధించింది. రోడ్డుపై వెళ్తుండగా ఈ దృశ్యాన్ని గమనించిన జలమండలి ఎండీ అశోక్ రెడ్డి, వెంటనే చర్యలు తీసుకోవాలని అధికారులను ఆదేశించారు. తాగే నీటిని వృథా చేస్తున్నారనే కారణంతో సంబంధిత ఫర్నిచర్ దుకాణ యజమానికి అధికారులు నోటీసులు జారీ చేసి ఈ భారీ జరిమానా వేశారు.