నీరొస్తున్న తరుణం పనులకు గ్రహణం

కాలువలకు సాగునీరు వస్తున్నా రాజోలు ఉపడివిజన్‌ పరిధిలో డ్రెయిన్ల ప్రక్షాళన పనులు సజావుగా సాగకపోవడంపై రైతులు ఆందోళన చెందుతున్నారు. పూడిక, తూడు పెరిగిపోవడం, ఆక్రమణలు, బలహీనమైన గట్ల వల్ల నీటి ప్రవాహానికి ఇబ్బందులు ఎదురవుతున్నాయి. రూ.93 లక్షల నిధులతో చేపట్టాల్సిన చిన్న, మధ్యతరహా కాలువల పనులు ఇంకా పూర్తికావాల్సి ఉంది. మరోవైపు శంకరగుప్తం మేజర్ డ్రెయిన్‌లో రూ.20.70 కోట్లతో పూడికతీత, గట్ల బలోపేతం పనులు నెమ్మదిగా సాగుతున్నాయి. దాదాపు 1,600 ఆక్రమణల వల్ల పారుదల స్తంభిస్తుండగా, త్వరలోనే పనులు పూర్తి చేసి, ఆక్రమణలు తొలగించి రైతులకు ఇబ్బంది లేకుండా చూస్తామని అధికారులు చెబుతున్నారు.