కొత్తపల్లికి పరుగులు తీస్తున్న రైలు

కొత్తపల్లి-మనోహరాబాద్ రైల్వే లైన్ పనులు వేగవంతమయ్యాయి. సిద్దిపేట వరకు పూర్తయిన ఈ మార్గం, సిరిసిల్ల మీదుగా కొత్తపల్లికి చేరుకునే దిశగా సాగుతోంది. రూ. 2780 కోట్లతో నిర్మిస్తున్న ఈ ప్రాజెక్టు కరీంనగర్, సిద్దిపేట, సిరిసిల్ల జిల్లాలను హైదరాబాద్‌తో అనుసంధానించనుంది. భూసేకరణ చివరి దశకు చేరుకోగా, మానేరు వంతెన పనులు టెండర్ల దశలో ఉన్నాయి. ఈ రైలు మార్గం వ్యాపార రంగంతో పాటు కొమురవెల్లి, వేములవాడ వంటి ప్రసిద్ధ పుణ్యక్షేత్రాలకు ఆధ్యాత్మిక వారధిగా మారనుంది.