రత్లాం వద్ద తప్పిన రైలు ప్రమాదం!

మధ్యప్రదేశ్‌లోని రత్లాం జిల్లాలో ఆదివారం తెల్లవారుజామున తిరువనంతపురం-హజ్రత్ నిజాముద్దీన్ రాజధాని ఎక్స్‌ప్రెస్‌లో భారీ అగ్నిప్రమాదం సంభవించింది. రైలులోని బి-1 కోచ్‌లో మంటలు చెలరేగగా, అప్రమత్తమైన సిబ్బంది 15 నిమిషాల్లోనే 68 మంది ప్రయాణికులను సురక్షితంగా ఖాళీ చేయించడంతో పెద్ద ప్రమాదం తప్పింది. ఈ ఘటన కారణంగా ఢిల్లీ-ముంబై మార్గంలో రైళ్ల రాకపోకలకు తీవ్ర అంతరాయం ఏర్పడింది. ప్రయాణికుల సమాచారం కోసం రైల్వే అధికారులు హెల్ప్‌లైన్ నంబర్లను అందుబాటులోకి తెచ్చారు.